ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն կարծիք է հայտնել, որ Ռուսաստանի և Եվրոպայի հարաբերությունները ժամանակի ընթացքում կկարգավորվեն, սակայն Ռուսաստանը առաջինը հանդես չի գա այդպիսի նախաձեռնությամբ։
«Մենք չենք խզել կապերը Եվրոպայի հետ, Եվրոպան է այդպիսի որոշում կայացրել՝ ռուսաֆոբիայի մոլուցքի մեջ։ Ես լիովին համոզված եմ, որ Ռուսաստանի, Եվրոպայի և այլ պետությունների միջև հարաբերությունները կվերականգնվեն։ Մենք հարևաններ ենք, ապրում ենք նույն մայրցամաքում, և մեկս մյուսից փախչելու տեղ չունենք։ Բայց մենք չենք սկսել այս ամենը, և մենք նախաձեռնությամբ հանդես չենք գա»,- ասել է նա։
