Հնարավոր չէ և քրիստոնյա լինել, և հավատալ սնոտի բաների՝ գուշակությունների, թուղթ ու գրի, թալիսմանի, աչքի ուլունքին։ Այս մասին Facebook–ի իր էջի տեսանյութում հայտնում է Հայր Զաքարիան։
«Հավատ-սնոտիապաշտություն. երկու հակառակ իրողություններ
Հնարավոր չէ և քրիստոնյա լինել, և հավատալ սնոտի, կեղծ բաների՝ գուշակությունների, թուղթ ու գրի, թալիսմանի, աչքի ուլունքի և այլ։
Հավատը ծնվում է վստահությունից, իսկ սնոտիապաշտությունը՝ վախից, հավատավոր մարդն անպայմանավոր վստահում է Աստծուն, իսկ սնոտիապաշտը՝ թվերին, նշաններին, պատահականություններին։
Հավատն օգնում է մարդուն ավելի ապահով, ամուր զգալ, իսկ սնոտիապաշտությունն անընդհատ կասկած է սերմանում, հավատը հանգստություն է, խաղաղություն, իսկ սնոտիապաշտությունը՝ լարվածություն։
Եկեք զորացնենք մեր հավատը, ոչ ասենք սնոտի բաներին»։
