ԱՄՆ կառավարության աշխատանքը հունվարի 31-ից մասամբ դադարեցվել է ֆինանսավորման բացակայության պատճառով։Այս մասին հայտնում է The Guardian-ը։
Այսպես կոչված «shutdown»-ը տեղի է ունեցել այն բանից հետո, երբ դեմոկրատ սենատորները հրաժարվել են քվեարկել Ազգային անվտանգության դեպարտամենտի ֆինանսավորման օրինագծի օգտին։ Պատճառը Մինեսոտայում ԱՄՆ մաքսային և միգրացիայի ծառայության աշխատակիցների կողմից երկու քաղաքացիների՝ Ռենե Հուդի և Ալեքս Պրետտի գնդակահարության դեպքն է։
Դեմոկրատների հրաժարումը թույլ չի տվել ԱՄՆ Կոնգրեսի ստորին պալատին մինչև սահմանված ժամկետի ավարտը՝ հունվարի 30-ի կեսգիշերը, հաստատել օրինագծերի լայն փաթեթը, որը վերաբերում էր պետական կառույցների գործունեության ֆինանսավորմանը։
