Վրաստանի նախկին գլխավոր դատախազ Օթար Պարցխալաձեն պատասխանատվության կենթարկվի 2025 թվականի մարտին Թբիլիսիում գործարար Լևան Ջանգվելաձեի սպանության համար, երկուշաբթի օրը ճեպազրույցի ժամանակ հայտարարեց ներքին գործերի փոխնախարար Ալեքսանդր Դարախվելիձեն։

«Քննությունը պարզել է, որ Օթար Պարցխալաձեն սպանության կազմակերպիչն է եղել։ Հետաքննության արդյունքների հիման վրա գլխավոր դատախազությունը որոշում է կայացրել Օտար Պարցխալաձեի նկատմամբ քրեական հետապնդում սկսելու մասին», - հայտարարել է Դարախվելիձեն։

Նա նշել է, որ դատախազությունը օրենքով սահմանված ժամկետում դատարան կներկայացնի միջնորդություն՝ Պարցխալաձեի նկատմամբ որպես խափանման միջոց ազատազրկում կիրառելու վերաբերյալ, և նրա նկատմամբ միջազգային հետախուզում կհայտարարվի։

Պարցխալաձեն Ռուսաստանի քաղաքացի է։

Վրացի գործարար Ջանգվելաձեի սպանությունը տեղի է ունեցել 2025 թվականի մարտի 14-ին Թբիլիսիում։ Վարձու մարդասպան Գելա Ուձիլաուրին ձերբակալվել է և ընդունել է իր մեղքը, սակայն հերքել է, որ հանցագործությունը պատվիրված սպանություն է եղել։