Հայաստանի ազգային հավաքականի և սերբական «Ցրվենա Զվեզդայի» պաշտպան Նաիր Թիկնիզյանի գործակալ Ալեքսանդր Կլյուևը հայտնել է, որ իր ֆուտբոլիստով հետաքրքրված են եվրոպական թիմերը և Ռուսաստանի Պրեմիեր լիգայի մի քանի ակումբները, փոխանցում է Armsport.am-ը՝ հղում անելով Match TV-ին։
«Նաիրի նկատմամբ հետաքրքրություն կա Ռուսաստանի Պրեմիեր լիգայից և եվրոպական թիմերից, բայց ես չեմ կարող որևէ կոնկրետ ակումբ նշել», - ասել է Կլյուևը։
Թիկնիզյանը միացել է «Ցրվենա Զվեզդային» 2025 թվականի ամռանը, մասնակցել է 21 խաղի բոլոր մրցաշարերում և կատարել 2 գոլային փոխանցում։