Հայաստանի ազգային հավաքականում մթնոլորտը հրաշալի է, Պորտուգալիայի հետ խաղից առաջ լրագրողների հետ հանդիպմանն ասաց հավաքականի կիսապաշտպան Էդուարդ Սպերցյանը։
«Այս 5 օրերի ընթացքում փորձել ենք հասկանալ մեր նոր մարզչի փիլիսոփայությունը: Մենք փորձել ենք այս օրերին նրա ասածները կատարել ու լավագույնս դրսևորել վաղվա խաղում»,- նշեց նա։
Սպերցյանն ասաց, որ Ֆիզիկապես և հոգեպես շատ լավ մարզավիճակում է գտնվում։
«Տա Աստված, որ կարողանամ օգնել իմ հավաքականին»,- հավելեց Հայաստանի հավաքականի կիսապաշտպանը։
Հիշեցնենք՝ վաղը՝ ժամը 20։00-ին, Վազգեն Սարգսյանի անվան «Հանրապետական» մարզադաշտում Հայաստանի ընտրանին կմրցի Պորտուգալիայի հավաքականի հետ։
