ԵԱՏՄ-ն և միության անդամ երկրներն ավարտել են ընթացակարգերը, որոնք անհրաժեշտ էին՝ Իրանի հետ ազատ առևտրի համաձայնագիրն ուժի մեջ մտնելու համար, հայտնել է Եվրասիական տնտեսական հանձնաժողովի մամուլի ծառայությունը։
«ԵԱՏՄ-ում ավարտվել են Եվրասիական տնտեսական միության և Իրանի Իսլամական Հանրապետության միջև ազատ առևտրի համաձայնագիրն ուժի մեջ մտնելու համար անհրաժեշտ ընթացակարգերը։ Ակնկալում ենք, որ մոտ ապագայում դրանք կավարտվեն նաև Իրանում»,- նշված է հաղորդագրությունում՝ հղում անելով ԵՏՀ Առևտրի նախարար Անդրեյ Սլեպնևի խոսքերին։
Սլեպնևը նշել է նաև, որ համաձայնագիրը կսկսի գործել առաջիկա ամիսներին։
Ավելի վաղ էլ ԵՏՀ Կոլեգիայի նախագահ Բակիտժան Սագինտաևը և Իրանի նախագահ Մասուդ Փեզեշքիանն են քննարկել ԵԱՏՄ-ի հետ ազատ առևտրի համաձայնագիրն ուժի մեջ մտնելու ընթացակարգերն ավարտելու վերաբերյալ հարցը։
