ԱԺ «Հայաստան» խմբակցության պատգամավոր Գառնիկ Դանիելյանի հրապարակումը՝ Արշակ Սրբազանի ձերբակալության և իշխանության եկեղեցահալած քաղաքականության վերաբերյալ.
«Ինչպես հայտնի է, Ամենայն Հայոց կաթողիկոսը դեկտեմբերի 10-12-ը Մայր Աթոռում եպիսկոպոսաց ժողով է հրավիրում:
Այս իրադարձությունից առաջ իշխանությունն անցել է ճնշումների: Քիչ առաջ Քննչական կոմիտեում ԱԱԾ կողմից Արշակ Սրբազանի կալանավորումը դրա վառ դրսևորումն է:
Սա հստակ քաղաքական հրահանգ է: Սրբազանը շինծու տեսանյութերի հրապարակումից հետո հայտնել էր, որ իր նկատմամբ ճնշումներ են գործադրվում:
Վարչակարգի պարագլխի հետ մի խումբ ուխտադրուժների հանդիպմանը հաջորդեց հայտարարություն, որտեղ Հայ եկեղեցու արքեպիսկոպոսներն ու եպիսկոպոսները հավատարմություն հայտնեցին Վեհափառին:
Սա ևս հիստերիայի առիթ հանդիսացավ վարչակարգի պարագլխի համար:
Սրանք անգամ չեն զլանում ուժայիններին ծառայեցնել սեփական նենգ նպատակներին, ապօրինի հրահանգներին:
Փաշինյանն այսօր խոստովանեց, որ Պատարագների ժամանակ կաթողիկոսի անունը չհնչեցնելու պահանջը փոխանցվում է ԱԱԾ աշխատակիցների միջոցով:
