Բրյանսկի և Կուրսկի մարզերում երկաթուղու վրա տեղի ունեցած պայթեցումներով միջադեպերը որակվել են որպես ահաբեկչություն, հայտնել է ՌԴ Քննչական կոմիտեի պաշտոնական ներկայացուցիչ Սվետլանա Պետրենկոն, հայտնում է РИА Новости-ն։
«Քննչական կոմիտեի նախագահի հանձնարարությամբ Գլխավոր քննչական վարչությունը վարույթ է ընդունել Բրյանսկի և Կուրսկի մարզերում երկաթուղու վրա տեղի ունեցած պայթեցումների վերաբերյալ քրեական գործերը։ Այս միջադեպերը որակվել են որպես ահաբեկչական գործողություն»,- ասել է նա։
Ավելի վաղ Բրյանսկի մարզի նահանգապետ Ալեքսանդր Բոգոմազը հայտնել էր յոթ զոհի և ավելի քան 60 վիրավորի մասին Վիգոնիչսկի շրջանում գնացքի վրա կամրջի փլուզման հետևանքով։
Ավելի ուշ, Կուրսկի մարզում բեռնատար լոկոմոտիվի ընթացքի ժամանակ տեղի է ունեցել կամրջի փլուզում։ Գնացքի մի մասն ընկել է ներքև՝ կամրջի տակ գտնվող ավտոմոբիլային ճանապարհի վրա։
