Թուրքիայի Բուրսայի Նիլուֆեր շրջանում 4,0 մագնիտուդ ուժգնությամբ երկրաշարժ է տեղի ունեցել, հայտնում է Թուրքիայի աղետների և արտակարգ իրավիճակների կառավարման վարչությունը (AFAD):
Նշվում է, որ երկրաշարժը տեղի է ունեցել տեղական ժամանակով 13:43-ին, զգացվել է նաև մոտակա նահանգներում: Էպիկենտրոնը եղել է Բուրսայի Նիլուֆեր շրջանում, 9,74 կիլոմետր խորության վրա։ Քանդիլի աստղադիտարանը և երկրաշարժերի հետազոտական ինստիտուտը գրանցել են 4,1 բալ ուժգնություն։
