Նախնական տվյալներով՝ Բելառուսի ներկայիս նախագահ Ալեքսանդր Լուկաշենկոն հաղթում է նախագահական ընտրություններում՝ հավաքելով ձայների 86,82%-ը։ Այս մասին լրագրողների հետ հանդիպման ժամանակ հայտարարել է հանրապետության Կենտրոնական ընտրական հանձնաժողովի նախագահ Իգոր Կարպենկոն։
2020 թվականի նախագահական ընտրություններում Լուկաշենկոն հավաքել է ձայների 80,10 տոկոսը։
Լիբերալ-դեմոկրատական կուսակցության նախագահ Օլեգ Գայդուկևիչը հավաքել է ձայների 2,02%-ը, ձեռնարկատեր Աննա Կանոպացկայան՝ 1,86%, Կոմկուսի Կենտկոմի առաջին քարտուղար Սերգեյ Սիրանկովը՝ 3,21%։
Բելառուսի Կենտրոնական ընտրական հանձնաժողովն ավանդաբար հրապարակում է արդյունքները՝ հիմնվելով ամբողջ երկրում բոլոր ձայների նախնական հաշվարկի վրա։
Վերջնական տվյալները կհրապարակվեն փետրվարի 3-ին
