Իսրայելն ազատ է արձակել 200 պաղեստինցի բանտարկյալների՝ Գազայի հատվածում պատանդի կարգավիճակում պահվող չորս կին զինծառայողների ազատ արձակման դիմաց։
200 ազատ արձակված պաղեստիցիներից 114-ը մինչ այս պահվում էին Ռամալլայի Օֆեր բանտում։ Եվս 70 պաղեստինցի կալանավորի Իսրայելն արտաքսել է Եգիպտոս, 16-ին էլ՝ Գազայի հատված։
Ավելի վաղ պաղեստինյան ՀԱՄԱՍ-ը Իսրայելի հետ կրակի դադարեցման շուրջ համաձայնության շրջանակում բաց էր թողել պատանդների երկրորդ խմբին, որոնց թվում՝իսրայելական բանակի չորս կին զինծառայողները։ Մինչ այդ էլ Իսրայելին պաղեստինյան կողմը 3 պատանդ էր հանձնել, փոխարենն Իսրայելը բանտերից ազատ էր արձակել 90 պաղեստինցի կանանց։