Այսօր ևս հանուն Տավուշի պայքարող մի խումբ երիտասարդներ ակցիա են իրականացրել Օպերայի և բալետի ազգային ակադեմիական թատրոնում, որտեղ ներկայացում է ընթանալիս եղել։
Երիտասարդները բարձրացել են բեմ և «Դավաճանը հողեր է հանձնում» գրությամբ պաստառներ են պարզել գլխավերևում։
Դահլիճում ներկա հանդիսատեսը ողջունել է ակցիայի անցկացումը, քաջալերել երիտասարդներին՝ ծափերով ու բացականչություններով։
Ի դեպ, ինչպես հայտնում է «Ազգային ճակատը», ակցիայի ժամանակ դահլիճում էին նաև Երևանի քաղաքապետ Տիգրան Ավինյանը և ՀՀ Կառավարության ներկայացուցիչներ։ Ենթադրվում է, որ նրանք չեն ողջունել ակցիան։
Հիշեցնենք՝ նմանատիպ ակցիաներ պարբերաբար են անցկացվում Երևանի մշակութային կենտրոններում։ Հանուն Տավուշի պայքարի մասնակիցները նաև այսկերպ են իրենց աջակցությունը հայտնում նոր մարտահրավերների առջև կանգնած իրենց հայրենակիցներին։
